ಐಟಿ ಷೇರುಗಳಿಗೆ ಹಿನ್ನಡೆ: ಟಿಸಿಎಸ್, ಇನ್ಫೋಸಿಸ್ ಕುಸಿತ

ಜಾಗತಿಕ ಟೆಕ್ ವಲಯದ ಒತ್ತಡದ ಹಿನ್ನೆಲೆಯಲ್ಲಿ ಭಾರತೀಯ ಐಟಿ ಷೇರುಗಳು ಸತತ ಎರಡನೇ ದಿನವೂ ಕುಸಿತ ಕಂಡಿವೆ. ಟಿಸಿಎಸ್ ಷೇರು ಶೇ.2.41ರಷ್ಟು ಹಾಗೂ ಇನ್ಫೋಸಿಸ್ ಷೇರು ಶೇ.1.51ರಷ್ಟು ಕುಸಿದಿದೆ. ಎಚ್‌ಸಿಎಲ್ ಟೆಕ್ನಾಲಜೀಸ್ ಷೇರು ಶೇ.3.5ರಷ್ಟು ಇಳಿಕೆ ಕಂಡಿದೆ.

ಏಷ್ಯಾದ ಇತರ ಮಾರುಕಟ್ಟೆಗಳಲ್ಲೂ ಇದೇ ಪರಿಣಾಮ ಕಂಡುಬಂದಿದ್ದು, ಜಪಾನ್‌ನ ನಿಕ್ಕೀ ಸೂಚ್ಯಂಕ ಶೇ.2ರಷ್ಟು ಹಾಗೂ ದಕ್ಷಿಣ ಕೊರಿಯಾದ ಕೊಸ್ಪಿ ಸೂಚ್ಯಂಕ ಶೇ.6ಕ್ಕೂ ಹೆಚ್ಚು ಕುಸಿತ ಕಂಡಿದೆ. ವಿಶ್ಲೇಷಕರ ಪ್ರಕಾರ, ಅಮೆರಿಕದ ಸೇವಾ ವಲಯದ ಅಂಕಿಅಂಶಗಳು ಪ್ರಕಟವಾಗುವವರೆಗೆ ಹೂಡಿಕೆದಾರರು ಎಚ್ಚರಿಕೆಯ ನಿಲುವು ತಳೆಯುವ ಸಾಧ್ಯತೆ ಇದೆ.